لشعر انعم من الحرير وهتدعيلي

السلام عليكم يا احلى بنوتات
انا كنت عند ماما
ودايما بقولها تعمل حاجات لاختي علشان شعرها بس هي بصراحه مش بتبقى فاضيه
فقررت اني اعملها حاجه
هي شعرها متوسط لا ناعم ولا خشن ومموج وجاف ومقصف
ومن ادام ضايع خالص
ولازم كريمات وزيوت كتير علشان يهدوا شويه
وبسرعه بيتعقد ويشبك جامد
المهم بقى
...
اختكم دخلت على المطبخ
احم احم
في طبق حطيت خلطة زيوت انا كنت عاملاها
بس عادي ممكن تحطي اي زيوت
زيتون .. عافيه
اي زيوت متوفره
وسخنتهم شويه يدوب وضفت العسل وقلبت
وبعدين علبة زبادي وقلبت
وبيضه
وقلبت كويس اوي
بقى عامل زي الكريم بس اطرى شويه
سرحت شعرها كويس وقسمته
وبدأت التوزيع على الشعر كله
من الجذور للاطراف
وبعدين لميته
وكان بالليل فكانت عاوزه تنام
المفروض الماسك يقعد حوالي 3 ساعات بس ساعه او اقل وغسلته
وبصراحه اتعقدت حسيت انه مش هيجيب نتيجه مع شعرها
جيت اغسله لقيت كل الشامبوهات اللي في البيت خلصت
اضطريت اغسله بصابون
انتوا عارفين طبعا انه اساسا بينشف
اتخنقت خالص
قلت يعني من اول مره كده علشان ماما تقول ادي لعب العيال بتاعك
بعد المحاضرات بتاعت الشعر كل مره وفي اللآخر بلا نتيجه
المهم
وعملتله بلسم
وسرحته بيه وبعدين غسلته كويس
وسرحته ولبست الطرحه ونامت
والصبح بقى كانت المفاجأه
...
والله العظيم
طريييييي
نااااااااااااااعم
وبيلمع جدا جدا جدا .......
ونايم خالص وهادي وابن حلال (دا مش شعرها خالص)
وكانه عليه كريم
لا... اكتر والله
وتحط المشط فيه ... بينزل لوحده
ايه دا
حتى ماما شكرت فيه
واختي كانت مبسوطه اوي بشعرها
وسايباه وكل شويه تحط ايدها عليه وتقول عاجبني لما بقى ناعم اوي كده
وكل شويه توريه لحد
قلتلها خلاص كل اسبوع اعملهولك
...
رغيت كتير وكتبت قصة حياتي
بس بجد والله كان جامد
اتمنى تستفيدوا
...
معلومه على السريع:
لما تشوفي اي وصفه مش لازم تتقيدي بيها
يعني نفذي بالمتوفر عندك واكيد النتيجه على الاقل هتكون متقاربه
عاوزه ردود وتقييمات حلوه زيكم كده

بجدياقمر موضوع كتير مفيد كفاية انو منك ياعسل
وهبقا اجربو لو فضيت هههههههههههههههههههههههه(على اساس انى عندى موعيد عمل ^ـ^ههه)
يسلمو يا قمراية